واحد فلحوس

كان في مرة واحد فلحوس فاكر نفسه فاهم كل ما يشوف حد غلبان في الشارع بيشحت يقولك تؤ تؤ ازاي بني أدم يرضي على نفسه يعمل كده…مفروض الشحاتين دول يشتغلوا أي شغلانة شريفة ايه اللي بيعملوه ده ياي مقرفين قوي

بعدين الأخ الفلحوس فهم بعد كده معني الألم و الذل…فهم معني النظرة الفاضية اللي كان بيلمحها في عينيهم…فهم يعني ايه يعني ايه بالوقت الانسان يتخلي عن كرامته اللي ربنا خلقه بيها عشان بس يعيش..و بالوقت ميعرفش انه بقي أقل من انسان…الفلحوس فهم ازاي ممكن الواحد فيهم يبصله بنظرة فيها وقاحة و ذل…نظرة فيها فراغ و بلادة…يجري على حتة لجمة او كام جنيه..و هو مش فاهم الدنيا خسرته ايه

أحب أقول لكل فلحوس و أولهم أنا…اتنيل على عين اهلك انت مش فاهم حاجة

فلسفة 5

الحياة عمرها ما كانت و لا هتكون بسيطة, الحقيقة الحياة فيها حاجات وسخة كتير بس احنا مش بنحب نشوفها عشان متجرحش احساسينا الرقيقة, كل يوم في أطفال بتنام في الشارع و بيشغلوهم شحاتين و بيغتصبوهم بالليل, و كل يوم في الالاف بتموت من غير ذنب, البني ادم الواطي نفسه خاصة في مجتمع فاسد زي اللي احنا عايشين فيه

طبعا كل ده يخوف

Continue reading

فلسفة 3

لم يكن هناك مفر, كان القرار حاسما من الأم..انزل مع بنت خالتك وصّلها..لا يعرف من أين أتى ذلك الاحساس بعدم الارتياح الذي شعر به داخل صدره, لكن لم يكن هناك مفر من الانصياع للأمر…خلي بالك منها الدنيا مبقتش أمان…حمّلته الأم الأمانة

Continue reading

فلسفة 1

النهاردة و انا في طريقي للشغل شوفت اتوبيس فيه مجموعة من الموظفات، شكلهم بيمثل الشكل التقليدي اللي طول عمرنا بنتريق عليه، ست البيت زائدة الوزن قليلا أو كثيرا في ايديها كيس أبدي غالبا فيه خضار عشان تجهزهم و يمكن فيه ساندوتشات ملفوفة في ورق جرايد عشان تفطر فيهم

طول عمري كنت بشوف فيهم مثال للتريقة و السخرية من ألة البيروقراطية المصرية، بس المرة دي شوفت حاجة تانية، شوفت حمل يهد جبال ، شوفت خطوط الزمن بتحفر تجاعيد في الوش حفر و شعر ابيض طلع قبل أوانه من الهم ، شوفت ضحكة بتحارب عشان تعيش مهما كانت الظروف، ظروف ماكنش ليهم يد في كتير منها ، شوفت ناس بسيطة بس نبيلة مش عايزة كتير غير تطمن على مستقبل ولادها عشان هما خلاص الزمن سرقهم

المرة دي متريقتش…لما افتكرت اني ممكن اعمل مشكلة عشان التكييف مش شغال في الشغل…المرة دي اتكسفت