ليه بنخاف من الموت ؟
يبدو السؤال بسيط جدا، أي انسان في الدنيا ممكن يفهمه و يدرك معناه, لكن الاجابه ممكن تكون من أصعب ما يمكن
العصفور الصغير اللي دفنته هيبدأ جسده الصغير يمر بعلميات التحلل، في غضون أسابيع جسده المادي هيكون اختفي
يمكن صوره جسمه و هو بيتعفن و يتحلل عشان يرجع لعناصر الحياه الأساسيه صوره منفره، لكنها مش كده بالنسبالي، حتي بعد ما رحلت الحياه عن العصفور الصغير جسمه هيبقي حياه، ممكن يبقي حياه لشجره تانيه جنب اللي انا دفنته عندها، العصفور الصغير رجع يدي حياه للمكان اللي اداله حياه من الأول
ليه بنخاف من الموت ؟
ممكن تكون اجابه من الإجابات ان الموت بيمثل نهايه قصتنا الخاصه، بشكل ما غصبا عننا احنا أبطال قصه حياتنا و أهم حد فيها مهما ادعينا غير ذلك، الموت هو النهايه البارده للمركزيه و الأهميه المبالغ فيها دي، عشان كده انشغل البشر من بدايه الزمن في تحديد و معرفه هيحصلهم ايه بعد ما يموتوا بكل الأديان و المعتقدات عن العالم الأخر…ها…نهايه قصتي انا ايه ؟؟
لكن يمكن نجد قليل من الراحه لو اتخلينا عن الأهميه دي و تقبلنا بسلام مكاننا في دايره الحياه و الموت الكبري..المبهره…اللي كانت قبل ما نيجي ، و هتظل بعد ما كلنا ننتهي بكتير
مش عارف…بس فكره اني ارجع تاني للكون اللي اداني الحياه و ابقي السبب في حياه شجره بتديني شويه سعاده و سلام
