حياه ممله سعيده

يحكي الشاعر و الكاتب الأمريكي Donald Hall عن الأشياء الأخري التي جمعته مع زوجته الراحله و جعلت حياتهما معا ذات معني، يسميها الأشياء الثالثه…تلك الأشياء التي تجعل الحب ينمو و يستمر في وجه الرتابه

كنا نستيقظ مبكرا، كنت أتي لها بالقهوه في السرير، ثم تقوم هي لتتمشي مع الكلاب و أبدأ أنا في الكتابه حتي تأتي و تبدأ هيا في العمل أيضا

هو احنا عايزين زيت باين ؟

أنا عارفه انه بيكره مشوار كارفور ده و يفضّل ان حد يحلقله زلبطه أرحم من انه ينزله، أخر حاجة ممكن يفتكرها أنواع الزيت و سعر اللبن كام دلوقتي و الإريال أحسن و لا تايد، لكنه بينزل عشاني…عشان كده ببتسم لما أتفرج عليه و هو محتاس قدام الحاجات

ثم يأتي وقت الغداء و نتاوله سويا، عندما ننتهي نتمدد سويا لوقت القيلوله، و عندما نستقيظ نبدأ في عمل أشياء أخري و قراءه البريد، كنت أقرأ لها بصوت عالي و كنا نلعب البنج بونج من غير نتيجة

و احنا في طريقنا الي الراجل بتاع الجبنه الرومي كان هو بيزق العربيه و انا كنت بحب احط ايدي في دراعه و احنا بنمتشي، أحيانا نقف نتناقش هل فعلا احنا محتاجين كاتشب هوت سوس او باربيكيو و لا كفايه الكاتشب العادي و في الأخر يروح حاطط التلات أنواع في العربيه و نكمل…..”أنا أساسا مش بحب الكاتشب”….ببتسم و أكمل مسكتي في دراعه

ثم نتناول العشاء، نتحدث و نقرأ الكتب أمام أحدنا الأخر في غرفه المعيشه حتي يأتي وقت النوم، اذا كنا محظوظين لم نكن نسمع رنين الهاتف طول اليوم

و احنا مروحين بنشغل المزيكا اللي احنا بنحبها في العربيه من soundcloud، الدنيا زحمه كالعاده و غالبا هنعقد هنا كتير، نتكلم شويه و الكلام يخلص و نسكت كتير، لكن كتير راسنا احنا الاتنين بتتحرك مع نفس الأنغام في نفس الحتت

الأشياء الأخري أساسيه للزواج، الأشياء أو العادات أو الفنون أو الألعاب أو الاهتمامات التي تعطي مكانا مشتركا للسعاده و الاحساس، ممارسه الحب ليست من الأشياء الثالثه و لكنها اندماج الاثنين في واحد، انما أغنيه للبيتلز أو روايه شيقه أو أوركسترا بوسطن السيمفوني أو لعبه المنوبولي

هكذا قضينا ثلاثمائه و ثلاثين يوما سويا في هذا البيت القديم نمارس كل يوم نفس الروتين

هذا ما فعلنا….الحب

يمكنك قراءه المقاله الأصليه هنا

One thought on “حياه ممله سعيده

  1. I loved how you took the small part about routine and put it into valid real context… In fact when I read the original copy, I found that this is the only meaningful part of the whole article. Keep writing ya Saher ❤ I loved it gedan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s