هابي نيو يير

تفتكر بيحتفلوا ليه

الناس بتحب البدايات الجديدة…أو يمكن بتحب تنسي

عشان كده انت مش بتحتفل…عشان مش بتنسي

مش بنسي ان سنة فاتت لكن كأن عمري زاد سنين..و أسئلتي زادت أكتر…و بعدت عن الاجابة أكتر بكتير

يمكن محتاج تتعلم منهم…ان الموضوع أبسط من ما تتخيل

يمكن عشان حرمت من نعمة الاستغراق في حياة الفرد الضيقة و أسئلته الذاتية…أشعر انها بلا قيمة بالنسبالي اني عايز فلوس او اترقي في الشغل او اجيب حاجات أكتر…نقمة البحث دايما عن معني في الصورة الأكبر..بيقولوا السنين بتزودك حكمة..لكني لا أزداد الا حيرة

يمكن محتاج تتعلم انك في الأخر بشر..محدود..غير كامل

ما زال عقلي الغير كامل مدرك لمدي…الألم…و الوساخة

مش هتصلح الكون

فقدت هذا الأمل من زمان..لكني مش قادر اوقف عقلي عن ادراك فظاعاته…و أسئلتي تتراكم…قلتلك مشكلتي اني بعرف انسي زيهم

يبقي مفيش قدامك غير انك تقبل

بحاول…و بفشل كتير..الصراع ما بين تعاطف و رغبة ساذجة ان كل حاجة تبقي كاملة و كل الناس تبقي حلوة و سعيدة..و عقل قاسي مدرك ان لازم يكون في تضحية و ألم..جزء من الواقع و الصورة مهما عملت…لا نتيجة الا الألم

حملك لا يحتمل

أو يمكن أنا خايف

من ايه

كل ده هروب…خوف…من اني أواجه حقيقة نفسي…اني في الأخر أنا زيهم…كلي أخطاء…بس مش عايز أشوفها

وهم…بتحمي وهم انك كامل…ان أخطائك هتغير مجري التاريخ…يا أبيض يا اسود…صدقني محدش واخد باله أصلا…ده بقي اللي انت بتنساه

اللي هو ايه

من غير أخطاء محدش بيتعلم….و من غير أخطاء مفيش غفران..غفران للنفس عن أخطائها…اتعلم تسامح..تسامحهم و تسامح نفسك

One thought on “هابي نيو يير

  1. ساعات بيحتفلوا عشان لسة عندهم أمل .. ان بكرة أحسن أو احتمال يكون أحسن .. أو انه تحصل معجزة ما .. او ان سنة فاتت فهانت خلاص .. وكلها كام سنة وكل النجوم اللي في السما تقع واحدة ورا التانية لحد ما الزمان ينتهي .. يمكن ساعتها نتوقف عن التفكير .. والمعاناة تنتهي ..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s