اشمعنا اليابان ؟

من المنطقي ان ده اول سؤال يخطر علي بالك أو أسمعه من أي حد يعرف اني مسافر اليابان في رحلة للسياحة

الاجابة بالنسبالي ممكن تكون من نقطتين

النقطة الأولانية ليها علاقة بإعجابي بالثقافة اليابانية ممكن بشكل يتخطي اعجاب الناس العادي “بكوكب اليابان الشقيق”, من زمان و أنا بحلم اني أروح اليابان لاكتشاف الثقافة دي و بصراحة مكنتش أتخيل اني ممكن أتجنن وأعملها فعلا, اليابان من أهم أمثلة ثقافة الشرق الأقصي المثيرة للتعجب حتي بالنسبة لدول العالم الغربي الأول, و مثال علي تأثير موروث ثقافي غاية في القوة من قيم احترام الاتقان و العمل و تقديس الأدب في التعامل مع الأخرين بشكل مثير للدهشة حتي للغربيين أصلا, و مثال بردو غريب علي قدرة الموروث ده الاحتفاظ بمكانه و تأثيره في عالم شديد الحداثة في تناغم

النقطة التانية ليها علاقة بالسفرنفسه, مش عارف بس أنا وصلت لاستنتاج اني محتاج “صدمة” تخرجني بره دايرة المعتاد و الروتين, صدمة أتمني تكون كافية تساعدني اعادة تعريف نفسي و الحياة

 يعبر أحسن لاني كل شوية بتفرج عليه Eat Pray Love ممكن المشهد ده من فيلم

في هذه الرحلة ححاول أسجل كل حاجة صوت و صورة و كتابة و أشارك أفكاري عن التجربة من بلاد الشمس المشرقة بشكل متواصل

مراسلكم محمد ساهر – أخر طوكيو