فلسفة 5

الحياة عمرها ما كانت و لا هتكون بسيطة, الحقيقة الحياة فيها حاجات وسخة كتير بس احنا مش بنحب نشوفها عشان متجرحش احساسينا الرقيقة, كل يوم في أطفال بتنام في الشارع و بيشغلوهم شحاتين و بيغتصبوهم بالليل, و كل يوم في الالاف بتموت من غير ذنب, البني ادم الواطي نفسه خاصة في مجتمع فاسد زي اللي احنا عايشين فيه

طبعا كل ده يخوف

و انا شخصيا مش بحب الحل بتاع يا عم ما تجيب سيرة عدلة ربك بيسترها, مجرد جملة الناس بتستخبى وراها معتمدين على الاحساس ان مستحيل يحصلي حاجة من الحاجات دي الحاجات دي بتحصل للناس التانية بس

اللي انا وصلتله في تفكيري عن الحكمة في الألم و الشر, ان الأسباب ليها الأولوية دايما في نظام الكون, يعني مش عشان انت حد كويس لو جه حرامي يسرقك ربنا هينزل عليه صاعقة من السما, لأ عادي هيسرقك و ممكن يموتك كمان و يعمل أبشع من كده لو الأسباب سمحت…لو الأسباب سمحت حتي ربنا مش هيتدخل و هتقابل مصيرك كما هو

هنا تبتدي الاجابة تبقى أوضح

ازاي اتغلب على الخوف؟ اني أخد بأسباب اني ابقى أقوى, اول أسباب القوة اني اتقبل وساخة الحياة و اللي عايشين فيها, الحياة فيلم 18+ مش بتعمل حساب للي فاكرينها فيلم كارتون البطل بيتجوز البطلة في الأخر, ممكن متشوفش من الحياة غير الحتة اللطيفة الظريفة اللي انت عايزها بس, بس لو قلت ادبها معاك متجيش تعيط بعد كده

كان عندي خوف و حيرة عشان متخيل الحياة هتمشي كده  الناس الوحشة ربنا هينزل عليهم صاعقة و هههيييهههههه

لكن ابتديت ابص للموضوع من ناحية تانية

ممكن تكون الاجابة ان اللي هيوقف الناس الوحشين هو أنا, و عشان اعرف اوقفهم يبقى لازم ابقى أقوى, عقليا و جسديا على قد ما أقدر, عشان أبقى الأداة

ربنا مخلقش الكون بقوة سحرية ملناش يد فيها, خلقه بقوانين ممكن أفهمها و أتحكم فيها كمان, لكن مين اللي يقدر يعمل كده ؟ اللي جاهز انه يبقى أداة

كده تبقى مسؤلية الانسان واضحة..انت يا بني ادم لازم تبقى أداة باختيارك الحر عشان تغيير في العالم بفعلك الحر مش بصاعقة من السما, لازم تبقى قوي عشان تدافع عن اللي انت شايفه صح حتى لو كل الناس اختارت الغلط, ساعتها مش هيهمك قد ايه الناس كدابين لأنك انت أداة الدفاع عن الصدق باختيارك الحر مش محتاج حد تاني يقولك برافو و لا يصقفلك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s