فلسفة 4 – وشوش

أكيد انت بتقول صباح الخير لزمايلك في الشغل كل يوم الصبح, أكيد عودت نفسك انها تكون مع ابتسامة لطيفة

صباح الخير مع قليل من السهوكة و لحسة من التسبيل لنرمين زميلتك الجديدة في الشغل عشان تستنى ترد
عليك و تسمع اسمك بأرق طريق سمعتها في حياتك – أه يا واطي – تتحول فورا للسلام عليكم يا شيخ حسن, طبعا مينفعش تقول صباح الخير للشيخ حسن و الا سينظر اليك شذرا, ثم حسب انت و ظروفك أكيد هتقول صباح الخير لمديرك

احنا بنعرف الناس من وشوشهم, المخ البشري مبيقدرش يحتفظ بكل تفاصيل وشوش الناس اللي بنعرفهم, بيحتفظ بنقاط محددة تكفي انك تتعرف على الشخص ده بعد كده, هي عملية من كتر ما هي سريعة نادرا ما بتاخد بالك منها عشان كده بتقدر تتعرف على مئات الأشخاص اللي بتقابلهم في حياتك, لكن لو حاولت تفتكر تفاصيل وشوشهم غالبا هتلاقي نفسك مش عارف

صباح الخير يا نرمين…سلاموا عليكوا يا شيخ حسن..صباح الخير يا فندم

يتقول صباح الخير لزمايلك كل يوم الصبح, غالبا مع ابتسامة لطيفة أول ما تشوف وش تعرفه, ابتسامة عشان تعبر عن سعادة ان ملامح معينة بقت في مجال نظرك

امتى الابتسامة بقت عادة…امتى سألت نفسك هو الوش ده بفرح لما بشوفه ولا لأ..امتى سألت نفسك هيا الوشوش بقى ليها معنى

أكيد مش هتكشر في وش الناس يعني..أنا بدردش معاك مش أكتر…بسألك ممكن تساعدني..امتى العادة سرقت المعنى من الوشوش في حياتنا

أنا عارف ألف وش ومش عارف ولا واحد فيهم, وكمان بقى في تويتر و فيسبوك بقى أسهل انك تعرف الناس بقى سهل انك تقرب منهم, لكن الحقيقة ان احنا بنبعد أكتر, شوية شوية الوشوش بتختفي
status و tweets و بقى مكانها

follow و like حتى مبقتش محتاج الابتسامة اللطيفة كفاية أعملك

يا صديقي حتى الوشوش مبقاش ليها لزمة, بقينا عايشين بسرعة..بنجري..بنهرب من الإزعاج و اللخبطة
like للعالم الافتراضي المريح, ال140 حرف و زرار ال

من بين الألف وش دور على اللي بيخليك تبتسم ابتسامة لطيفة بجد, دور على الوش اللي هيبقى وجع دماغ و دوشة و كلام و ضحك و بكا و فرحة و حزن و حيرة..دور على الوش اللي يخليك عايش

One thought on “فلسفة 4 – وشوش

  1. La a3taqed en el ebtesama momken teb2a 3ada … Momken gomlet “Saba7 el kher” heya ely teb2a 3ada w bet2olha wenta msh merakez bs este7ala 7ad yabtasem aw yed7ak 3ada … Da ra2yee 🙂 bs ana m3ak en el virtual world ely ba2ena 3aysheen feeh da b2a beyokhno2 !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s